PARTORDING NI ACARA PARMINGGUON
Pdt.PANUSUNAN PURBA.M.Div
Dohot
MANGOJAKHON PANDITA RESSORT
Pdt.PARTO
MARPAUNG
DI HKBP RESSORT PEMATANG BANDAR
MINGGU XII DUNG TRINITATIS
7 SEPTEMBER 2014
( Dok HKBP Pematang
Bandar )
01. PANGARADEON DIRI……………….( Prosesi )
Ø Dung
martangiang di Bilut Parhobasan, borhat ma Pandita dohot Inang Pandita ,Parhalado
Partohonan tu Gareja niuluhon ni Amanta Praeses.
02. PARMINGGUON : Joujou lao marsomba
tu Debata
L : Huria ni Debata na dihaholongan ni Tuhanta
Yesus Kristus, hami saluhut Parhalado,
pasahathon tabe ma tu sude hamu ruas ni huria: Asi ni roha ma di hamu,
jala dame na sian Tuhanta, ima na mangaramoti hita saluhutna.
H :Ningku do mandok Jahowa : haporusan jala
partanobatoanku,Debatangku, marhaposan
tu Ibana do ahu
L : Beta hamu taendehon ma Jahowa , jala
taolophon ma GoarNa na badia I, Ibana do
partanobatoan jala hatuaonta.
H : Nungga ro au nuaeng tu adopanMu Tuhan , sai
pahibulma rohangku jala patinggil nang
pinggolhu,asa hupuji Ho sian nasa ngolungku ditongatonga ni joroM
L :
Hamu angka dongan, nungga pungu hita nuaeng diadopan ni Debata I. antong
talehon ma di Ibana sandok hasangapon , hamuliaon hagogoon dohot pujipujian saleng ni leleng na !
S : Mangendehon BE 10:1+2 “
Hupuji hupasangap Ho “
1. Hupuji hupasangap Ho,
Amang pardenggan basa!
Ai
jadijadianMu do sude angka na masa.
Ditompa Ho do sasude, Dagingku rodi tondi pe, Pinuji ma goarMu.
………….Jongjong ma Huria………….
2. Saluhut na tinompaM i naeng sonang di rohaMu,
Arian dohot borngin pe disarihon rohaMu
Nang uhum digomgomanMi, na tigor, na sintong do i. Pinuji ma goarMu!
03. VOTUM – INTROITUS – DOA
L
: Marhitehite Goar ni Debata Ama
dohot Goar ni AnakNa Tuhan Jesus Kristus dohot Tondi Parbadia , na tumompa
langit dohot tanoon.
L+H : Amen.
L : Pardenggan basa do Jahowa , tau
partanobatoan di ari hagogotan jala ditanda do angka na marhaposan tu Ibana.
! Haleluya !
H :
Mangendehon : (
Haleluya…..Haleluya…..Haleluya…..)
L : Martangiang ma hita: Ale Tuhan
Debata, Pargogo na so hatudosan, , na songkal jala na bonar! Di aloHo do na
ginjang marroha , jala di patimbo Ho do na serep marroha. Ala ni I hu pangido
hami tu Ho : sai ramoti hami , asa unang jungkat hami , unang ginjang roha
nami. Alai togutogu hami marhitehite TondiM , asa unduk , serep , ,tobok jala burju rohanami di adopaan
ni halak saluhut, ala ni AnakMu , Tuhan Jesus Kristus , Tuhannami . Amen
……….hundul ma huria………
04.
Marende BE.No. 205 : 1
“ Ale Jesus Tuhannami “
1. Ale Jesus Tuhannami, bereng hami na dison!
PinarmahanMi do hami saluhutna na dison.
Sai
asi rohaM di hami, sai pangolu hami on.
05. MANJAHA PATIK : ( Tatangihon ma patik ni Debata na mangarahon
hita mangulahon Patik Pasiahon dohot
lapatanna )
L : Unang ho olo manghatindanghon hata naso
tutu,maralohon dongan jolma .
L : Dia do lapatan ni i ? Ondo : Ingkon di
habiari rohanta Debata jala ingkon holong rohanta di Ibana , asa unang hita olo
manggapgapi dongan jolma manang manjehehon manang pahatahatahon, paoruhon
sangap nasida , ingkon niampinan do dongan jolma anggo so tangkas dope binoto salana.
Holan uhum na denggan I do paboaboaon. ! Ima sahatna. Antong rap mangido gogo
ma hita tu adopan ni Debata .
L+H: Ale Tuhan Debata………..
1. Sai
solhot tu silangMi, Jesus ingananku,
Mual na mabaor disi, i ma inumonku.
SilangMi, Tuhanki i ma pujionku,
paima sogot sahat au, i endehononku
………. jongjong ma huria………….
2. Lao ma au tu silangMi, i haporusanku, Sai asi ma rohaM i unang tulak ahu.
Reff : SilangMi ...
08. PANOPOTION NI DOSA DOHOT HASESAAN NI DOSA
L :
Huria ni Debata na nihaholongan ni Kristus. Dibagasan unduk dohot serep ni roha,
ro ma hita tu adopan ni Debata. Tatopoti ma dosanta tu Amanta Debata, jala
tapangido ma hasesaan ni dosanta, dibagasan goar ni Tuhan Jesus Kristus Parasi
roha i. Martangiang ma hita dibagasan rohanta be.
(… tingki na hohom… Organ
mangendehon KJ. 40 )
L : Ale Tuhan Debata , Pargogo na
so hatudosan , Parasi roha na sumurung , Ama ni Tuhan Jesus Kristus Sipangolu
hami ! Hami , halak pardosa na dangol on ro tu jolo ni habangsa habadiaonMi
manopoti jala manganggukkon dosa nami.
J : Mansai
jotjot huarsahi hami Ho marhitehite pingkiran dohot hata dohot
pambahenannami na roa i.
L :
Ndang huhaholongi hami Ho sian nasa rohanami dohot nasa ateatenami dohot nasa
tondinami dohot nasa gogonami; nang dongannami , ndang doshon dirinami hubahen
hami.
J : Dibahen i tama do rimasanMu jala uhumanMu
hami tu hamatean saleleng ni lelengna i. Alai namaporus ma hami nuaeng tu asi
ni rohaM nagodang I mangido sian nasa rohanami hasesaan ni dosanami saluhutna.
L : sai urupi ma hami paubahon rohanami ala ni
tuhan Jesus Kristus, Anak haholongan ni rohaM,Sipangolu hami dohot ala ni
GoarMu na badia i. Ale Tuhan , sai asi ma rohaM dihami halak na dangolon ! Amen
(
Martangiang mangido panesaan ni dosa dibagas rohatta be… Organ BE. 681)
L
: Huria ni Debata naung manopoti dosa, nuaeng tabege ma hata
baga-baga ni Debata, taringot tu hasesaan ni dosanta: Satongkin do Hu tadingkn
ho , alai papungupunguonHu ma ho muse marhitehite angka asi ni roha godang !
Tagan di parpiar ni murukHu Hutabunihon bohingHu satongkin maradophon ho, alai
marhitehite denggan basa salelenglelengna asianHu ho, ninna Jahowa Sipalua
ho. Hasangapon ma di Debata na
diginjang.
J :
Amin. ………..Hundul ma Huria………..
1. O
Debata, mansai balga. Huhut dokdok dosangku!
Na so
adong di tanoon na tau haporusanku.
10. MANJAHA EPISTEL: ROMA 13
: 8 – 14
L : Turpuk
Epistel di Minggunta sadarion, ima na tarsurat di Heber 4:12-16, songon on ma didok disi:
L : Unang marutang hamu manang tu ise, dungkon ni ruhut masihaholongan; ai na mangkaholongi dongan, i do manggohi patik i.
J : Ai na nidok ni patik i: "Unang ho
mangalangkup! Unang ho mambunu! Unang ho manangko! Unang marpangkaliangi
roham!" Ro di nasa patik na asing, on do pamusatanna: "Haholongi
donganmi songon dirim!"
L : Ia parholong ni roha, ndang diulahon na
jahat tu angka dongan; asa haholongon ni roha i do tutu hagogok ni patik i.
J : I ma
ringkoti hamu, ala diboto hamu tingkina: Ai naung dapot do ombasna, laho hehe
sian na modom; ai nunga jumonok haluaonta nuaeng, sian uju gabe porsea hita.
L : Na salpu ne ma borngin, na jonok nama arian.
Antong, tatanggali ma angka ulaon haholomon; tasolukkon ma angka sinjata
hatiuron!
J : Badia ma hita marpangalaho songon na patut
arian, unang masalpuhu parmanganon dohot parminumon, unang marharorangon dohot
margadombus, unang marbada dohot mangiburu!
L : Alai
solukkon hamu ma Tuhan Jesus Kristus; jala unang ma sarihon hamu dagingmuna
laho manungguli hisaphisapna.
Ido sahatna: Martua ma halak na tumangihon hata ni Debata jala na umpeopsa.
L+J : Amin
11.
KOOR: INA KAMIS
1.
Marsinondang dibaen Jesus asi ni rohaNa i,
Jala hita do disuru asa tapaboa i.
Tapagalak palitonta, tapatiur dalan i,
Ai torop dope na lilu, sai hatop ma mulak i.
……….jongjong ma huria………
2. Nang au on
na dao najolo, di na holom lilu au, Alai
sondang ni Tuhanku do mamboan mulak au,
Tapagalak ...
13. MANGHATINDANGKON HAPORSEAON.
L :
Hamu angka dongan ! Rap dohot angka donganta sahaporseaon di sandok portibion,
tahatindangkon ma hata haporseaonta I, rap ma hita mandok:
J
: Ahu porsea … dst.
………..hundul ma huria………..
14. TINGTING + TANGIANG PANGONDIANON.
15. Marende BE.No. 826
: 1 - “ Gohi au Tuhan “ ( P.Pelean 1a+1b )
1. Gohi au
Tuhan marhite HataM i, gohi au Tuhan
marhite HataM i.
Songon
hudon na rumar do au Tuhan di sumurMi,
Gohi au Tuhan marhite hataM i.
2. Gohi au
Tuhan marhite hataM i, gohi au Tuhan
marhite hataM i.
Na mauas
do tondingku, o, Tuhan di hataM i.
Gohi au Tuhan marhite HataM i.
…………….. musik…………..
3. Gohi au
Tuhan marhite HataM i, gohi au Tuhan
marhite HataM i.
Asa tang
jala matoras au, marhite HataM i, Gohi
au Tuhan marhite HataM i.
16. JAMITA: Hesekiel 33 : 7 – 11
17. Marende BE.No. 719 : 1
- “
Hubege soaraM o Jesus “
( P. Pelean II )
1. Hubege
soaraM o Jesus, hubege soaraM o Jesus.
Hubege
soaraM o Jesus, na manjouhon, ihuthon ma au.
Ref.:
Togu au Jesus Tuhanku, iring iring ma langkangku,
Patuduhon ma dalanMu asa unang unang
lilu au.
2. Hupasahat ma diringku, hupasahat ma
diringku,
hupasahat ma diringku,
mangihuthon Jesus Tuhanki. Togu ...
……….
Musik ……….
3. Pargogoi ma au Tuhanku, pargogoi ma
au Tuhanku,
pargogoi ma au Tuhanku, lao
mamorsan silang na tu au. Togu ...
18. ACARA PABORHATHON Pdt . P. Purba. M.Div DOHOT
MANGOJAKKON PANDITA RESSORT PEMATANG
BANDAR Pdt.P.Marpaung
A.
PABORHATTON.
( Ditingki
Marende ayat 2 , ro tujolo Pdt.P.Purba.M.Div dohot Inang manghadap Praeses )
1. Molo saut ma ho
borhat tu na dao, holan Jesus baen donganmi.
Toguon na ho, ramotanNa ho, sai tiur sudena langkam i.
Nang landit porhot sidalananmi, nang hansit ngotngot roham i.
Ndang boi ganggu ho, ndang boi lilu ho, molo Jesus mandongani ho.
2. Di na loja ho nang holsoan ho, Jesus ma
tongtong donganmi.
UrupanNa ho, apulanNa ho, sonang ho tongtong di dalanmi.
Nang dao tahe situjuonmi, ndang maol ho tolhas tusi.
Dipaima ho tomuonNa ho, tung sonang do di lambungNa ho.
2. Paborhathon.
Ø Praeses (
mandok ): hamu angka dongan sahuria di HKBP Ressort Pematang Bandar on.
Sadarion paborhatonta ma Amanta Pdt.P.Purba.M.Div dohot keluarga, tuinganan
Panghobasion na imbaru di HKBP Serdang II, Distrik XII Tanah Alas , mangihuthon
Aturan dohot Peraturan HKBP dohot Surat Keputusan ni Pucuk Pimpinan HKBP. Ala
ni I tabege ma jolo Surat Ketetapan taringot tu nasida , jinahahon ni………………….
· Manjaha
Surat Keputusan.
Ø Praeses (
Masijalangan huhut mandok )
Hamu Pandita nami Pdt.Panusunan Purba M.Div , Nungga
dibege hamu Surat keputusan ni pucuk Pimpinan HKBP. Hombar tusi , ahu Praeses
HKBP Distrik V Sumatra Timur paborhathon hamu mangula ulaon na dipasahat Debata
tu hamu, di bagasan Goar ni Ama ,Anak , dohot Tondi Parbadia . Sai di pasupasu
Debata ma sude ulaonmuna na sailaon di Ressort on baen sangap di goarNa . laos
marhite on ma di pasahat HKBP Ressort Pematang Bandar ma hata mauliate tu
hamuna, di siala panghobasion muna saleleng on di HKBP Pematang Bandar on.
B. MANGOJAKHON.
Ø Praeses ( huhut masijalangan mandok ):
Hamu Pandita Nami Pdt.Parto Marpaung , Ahu Praeses HKBP
Distrik V Sumatra Timur , Paojakhon hamu gabe Pandita HKBP Ressort Pematang
Bandar . Marhite Goar ni debata Ama , dohot Goar ni AnakNa Tuhan Jesus Kristus
, dohot Goar ni tondi Parbadia. Sai didongani ma hamu mangulahon ulaon I, asa
marsangap GoarNa marhite Panghobasion muna . ( Manjalang Inang ) di
ramoti jala di pargogoi ma dohot keluarga. Amen.
3. Pasahathon tu Huria Pandita Ressort na imbaru dohot inang Humusor menghadap huria)
Ø Praeses (mandok ) ; hamu
angka ruas dohot Parhalado ni huria ni Tuhan Jesus Kristus na di HKBP
Ressort Pematang Bandar on. Jangkon hamu ma amanta Pandita Ressort on dibagasan
Jesus Kristus Ulu ni Huria I, tangianghon jala urupi hamu ma nasida asa manjadi
ulaon nasida di Ressort on.
4. Praeses
( Martangiang ma hita ) : Ale Tuhan Amanami marhitehite Jesus Kristus
Tuhan nami , Raja jala nampuna Huria i.
mauliate ma rohanami tu Ho.Jala pujion nami GoarMu, ai ndang dipaloas Ho
HuriaMi so marparmahan. Alai sai di pabangkit Ho angka naposoM na burju jala na
olo suruonMu mamaritahon hataM. Nungga di paojak Ho Pdt.Parto Marpaung . Asi ma
rohaM , lehon ma TondiM na badia I margogoihon nasida . parsahalai jala
parbisuhi ma nasida asa polin baritaM na uli I dibaritahon. Lehon hahipason ,
hatoguon dohot hiras ni roha di nasida mangaradoti sude ulaon di Ressort on.
Amen !
5. Kata Sambutan
1. Hata partading sian Pdt.P.Purba .M.Div
dohot keluarga.
2. Hata patujolo / perkenalan sian Pdt.Parto
Marpaung dohot kelurga.
3. Hata Paborhathon dohot Panjanghonon sian :
a. Utusan Ruas HKBP Pematang Bandar
b.
Utusan Parhalado HKBP Ressort Pematang Bandar.
4. Pasahathon Cendramata sian Ressort ,
Huria Sabungan.
5. Hata bimbingan sian Praeses Distrik V
Sumatra Timur.
6. Marende BE.No. 127 : 6 “ Lam
gogo ” ( Jongjong Huria )
( Ditingki marende ro ma angka Pandita tu jolo
)
6. Pangke ma, pangke ma, pangke ma gogom sude,
Patandahon haholongon ni
roham di Jesus i,
Na mangolu ho, o Sion
mangoloi sude patik na i, pangke ma gogom i.
7. Tangiang
Pelean – Aleamanami –Paspasu
8. Ro ma Huria
tu jolo (
masijalangan tabe selamat borhat dohot selamat datang )
derismasitanggang@gmail.com